അമ്മ പറഞ്ഞതുപോലെ ചെയ്തപ്പോള്‍…..
ഒരു വെള്ളിയാഴ്ച പള്ളിയില്‍ നിത്യാരാധനയ്ക്കു മുന്നിലിരുന്ന് പ്രാര്‍ത്ഥിക്കുകയായിരുന്നു. പ്രാര്‍ത്ഥന കഴിഞ്ഞ് ഞാന്‍ കണ്ണു തുറക്കുമ്പോള്‍ ഒരു ചേച്ചി പരിശുദ്ധ കുര്‍ബാനക്കു മുന്നില്‍ പൊട്ടിക്കരയുന്നത് കണ്ടു. പെട്ടെന്ന് എന്റെ കാതില്‍ പരിശുദ്ധ അമ്മ ഇങ്ങനെ മന്ത്രിച്ചു, ”നിന്റെ കൈയിലുള്ള ജപമാല ആ സ്ത്രീക്ക് കൊടുക്കുക. എന്നിട്ട് നിന്റെ എല്ലാ ആഗ്രഹങ്ങളും പരിശുദ്ധ അമ്മ സാധിച്ചുതരും എന്ന് പറയുക.”
ഞാന്‍ പരിശുദ്ധ അമ്മ പറഞ്ഞ പ്രകാരം ചെയ്തു. ജപമാല ഗിരിജ എന്ന ആ ചേച്ചിയുടെ കൈയില്‍ ഏല്പിച്ചു. അത് വാങ്ങി ജപമാല ചൊല്ലിയ ദിവസംതന്നെ വര്‍ഷങ്ങളായുള്ള അവരുടെ പൈല്‍സ് രോഗം സുഖപ്പെട്ടു. പിന്നീട് വീടുപണി തുടങ്ങി, മകള്‍ക്ക് 12-ാം ക്ലാസില്‍ എല്ലാ വിഷയങ്ങള്‍ക്കും എ പ്ലസ് ലഭിച്ചു, ആസ്ത്മയില്‍നിന്ന് സൗഖ്യം കിട്ടി. ആവേ മരിയ!
ഡിംപിള്‍ ആനന്ദ് പോള്‍, തൃശൂര്‍
